5 сакавіка пайшоў з жыцця Уладзімір Карызна — паэт, перакладчык, аўтар слоў дзяржаўнага гімна Беларусі. Пра смерць творцы паведамілі ягоныя блізкія.
Уладзімір Карызна нарадзіўся ў 1938 годзе ў вёсцы Закружка пад Мінскам. Скончыў філфак БДУ, працаваў настаўнікам беларускай мовы і літаратуры ў школе і адначасова кіраваў літаратурным аб’яднаннем у мясцовай газеце. Пасля шмат год працаваў у журналістыцы і выдавецкай справе.
Найбольш вядомым творам Карызны многія называюць сучасны дзяржаўны гімн на аснове верша Міхася Клімковіча — першапачатковы варыянт гімну БССР быў перапрацаваны ў 2002 годзе, Карызна прыбраў са старога тэксту спасылкі на Леніна і камуністычную партыю і мадыфікаваў верш.
Але творчая спадчына паэта нашмат шырэйшая і цікавейшая. Ён напісаў каля 200 песень, сярод якіх нямала сапраўдных хітоў, што гучалі ў выкананні «Песняроў», «Верасоў», «Сяброў», «Бяседы» і іншых вядомых артыстаў і калектываў. Многія песні на вершы бацькі напісаў Уладзімір Карызна-малодшы.
«Усё маё дзяцінства і юнацтва прайшло пад няспынныя песні на ягоныя словы праз усюдыісныя тады радыёкропкі: «Азёры дабрыні», «Люблю цябе, Белая Русь», «Зорачка мая», — згадвае гісторык Аляксандр Пашкевіч. — У свой час гэта было знакам эпохі, і не самай горшай».
Акрамя таго, Карызна — аўтар больш дзесяці паэтычных зборнікаў: «Край мой сінявокі» (1963), «Жураўліны досвітак» (1969), «Святло ліўня» (вершы і паэма, 1972), «Музыка ў свеце» (1985), «Расколіна на Звоне Свабоды» (1986), «Хвіліна святла» (Выбранае, 2003) ды іншых. Таксама ён шмат перакладаў, напісаў некалькі кніг вершаў для дзяцей.
Дарэчы, гэтыя вершы трапілі і ў падручнікі па беларускай літаратуры для малодшых школьнікаў. А зусім нядаўна адзін з вершаў Карызны нечакана праславіўся праз TikTok. Жанчына выклала ў сеціва ролік са скаргамі на «занадта складаны» для вывучэння ў другім класе верш, але паразумення сярод беларусаў не знайшла.
У 2024 годзе Уладзімір Карызна атрымаў званне народнага паэта Беларусі. Раней ён таксама быў адзначаны ордэнам Францыска Скарыны і шэрагам іншых дзяржаўных узнагарод.
Оцените статью
1 2 3 4 5
Читайте еще
Глядзіце, новыя постэры на вітрынах Акадэмкнігі
Золотова: «Когда я узнала о том, что в колонии оказалась одна из этих женщин… Я тогда расплакалась»
Как пропаганда штампует «киношедевры»
«Если б был беларус, меня, наверное, просто в лесу повесили — мне так и говорили, когда задерживали»
Конвейер репрессий. Системного администратора железной дороги осудили за политику. В Витебске новое уголовное дело за «оскорбление Лукашенко»
Врач-педиатр: «Ничего плохого, если ребенок, который на ногах переносит инфекцию, поделится ею с одноклассниками»
Избранное
Какими были отношения Лукашенко с иранским «гуманистом», на чьей совести гибель тысяч людей
Что роднит сюжеты пропаганды о Лукашенко и телятах с криминальным сериалом «Сопрано»
Беларус в Израиле: «Давно жили в этом напряженном ожидании и даже шутили, что расслабиться поможет только сирена»
Статкевіч: «Кожны раз так кранальна, так шчымліва ў сэрцы, калі незнаёмыя людзі віншуюць, нават плачуць, убачыўшы нас разам»
Открытое письмо Трампа диктаторам (из одного слова)
«От желтой бирки «экстремиста» не спасает ни звание «Человек года», ни личная благодарность правителя»